Texnopark və IT sahəsində 20 illik vergi güzəştləri

Prezidentin 22 oktyabr fərmanları texnologiya sahəsində vergi güzəştlərinin yeni mərhələsini müəyyən edib.
Texnopark rezidenti olan şirkətdə rezidentlik fəaliyyəti üzrə çalışan IT mütəxəssislərinin maaşına 2027-ci ildən etibarən 20 il müddətində 0% gəlir vergisi tətbiq olunacaq.

İşçi saxlamadan müstəqil çalışan frilanserlər də həmin ildən texnopark rezidenti ola biləcək və qeydiyyat “mygov biznes” platformasında onlayn aparılacaq.

Rezident şirkətlər 2027-ci ildən şəhadətnamə alıb meyarlara uyğun gəldikdə 20 illik vergi güzəştlərindən yararlana biləcək; bu imkan texnoparkdan kənarda fəaliyyət göstərənlərə də şamil olunur.

Startaplar üçün xarici bulud və API ödənişlərinə 20 illik vergi və ƏDV güzəşti nəzərdə tutulur, dövlət satınalmaları sahəsində də əlavə imkanlar yaranır. Fərman yalnız bu dörd qrupla məhdudlaşmır; akkreditə olunmuş investorlar, rəqəmsal səyyahlar, yüksəkixtisaslı miqrantlar, sənaye parkı rezidentləri və iri şirkətlər üçün də yeniliklər var. Sahibkarların yoxlanılması ilə əlaqədar əlavə qayda da təsdiqlənib. İşçi səhmi, vençur və kraudfandinq gəlirləri üzrə 10 illik güzəşt isə hələ təklif mərhələsindədir.