Azərbaycan məktəblərində TikTok-a çıxış məhdudlaşdırıldı

Azərbaycanda məktəblərdə TikTok platformasına çıxış məhdudlaşdırılıb.
Bu barədə elm və təhsil nazirinin müavini Firudin Qurbanov Ailə Forumunda məlumat verib.
Onun sözlərinə görə, təkcə platforma ilə yekunlaşmayıb: cinayət, narkotik və zorakılıq mövzulu 200-dən çox görüntü də əlçatanlıqdan çıxarılıb.

Məhdudiyyətlərin məqsədi uşaqları zərərli məzmundan uzaq tutmaqdır.
Nazir müavini vurğulayıb ki, bu işdə ailələrin nəzarəti də mühüm rol oynayır.

Məktəb mühitində rəqəmsal təhlükəsizliyin gücləndirilməsi valideynlərlə birgə səyləri tələb edir.