YouTube baxış sayı hesablama qaydasını dəyişir

YouTube avqustun 24-dən etibarən uzun videolarda baxış sayının hesablanma qaydasını dəyişir.

Artıq baxış sayı videonun ilk kadrından başlayaraq hesablanacaq və 30 saniyə gözləmək tələbi aradan qalxacaq.

Bu dəyişiklik sayəsində videoların görünən baxış sayı əvvəlkindən daha yüksək ola bilər. Lakin YouTube bu 30 saniyəlik göstəricini “Engaged views” (Aktiv baxışlar) adı ilə Analytics-də saxlayacaq.

Monetizasiya tələblərinə gəldikdə isə heç bir dəyişiklik olmayacaq.

Shorts və uzun videolar üçün bəzi monetizasiya göstəricilərinin adları da yenilənəcək.