X yaradıcılar üçün gəlir sistemini dəyişir

X sosial şəbəkəsi kontent yaradıcıları üçün gəlir bölgüsü sistemini yeniləyir. Sentyabrın 8-dən etibarən 'Original Content Rewards' proqram qüvvəyə minəcək. Yeni sistem orijinal kontent istehsal edənləri mükafatlandırmaq məqsədi daşıyır. Qoşulmaq üçün ən azı 500 təsdiqlənmiş izləyici və 90 gün ərzində 500 min Home Timeline baxışı tələb olunur. Qazanc isə X Premium abunəçilərinin baxışları əsasında hesablanacaq. Başqalarının paylaşımlarını təkrar yerləşdirən və ya yalnız baxış toplamağa yönələn kontent gəlir gətirməyəcək. Şirkət bununla yaradıcılığı və fərqli fikirləri təşviq etməyi hədəfləyir.