WhatsApp biznes mesajları oktyabrdan ödənişli olur

Oktyabrın 1-dən WhatsApp Business Platforması üzərindən göndərilən xidmət mesajları ödənişli olacaq.

Hər biznes nömrəsi ayda 1 000 xidmət mesajını pulsuz göndərə biləcək, bu həddən sonra isə əlavə mesajlar üçün ödəniş tələb olunacaq.
Ödəniş məbləği istifadəçinin yerləşdiyi bazara uyğun olaraq fərqlənəcək.

Yenilik xüsusilə müştəri dəstəyi və fasiləsiz yazışmalar üçün WhatsApp-dan geniş istifadə edən bizneslərə təsir göstərəcək.
Adi WhatsApp və WhatsApp Business tətbiqindən istifadə edən şəxslər üçün isə heç bir ödəniş nəzərdə tutulmur.