Valve Azərbaycanda vergi qeydiyyatına alındı

Valve Corporation, Steam platformasının sahibi, Azərbaycanda vergi qeydiyyatına alınıb.

Dövlət Vergi Xidmətinin məlumatına görə, Valve ilə yanaşı Xsolla, Formula One Digital Media Limited və Cleverbridge GmbH də elektron vergi qeydiyyatından keçib. Bu şirkətlər artıq göstərdikləri rəqəmsal xidmətlər üzrə ƏDV-ni özləri hesablayıb birbaşa dövlət büdcəsinə ödəyəcəklər. Əvvəllər ƏDV yerli banklar tərəfindən tutulurdu və bu, oyunçuların gözləniləndən daha yüksək məbləğlər ödəməsinə səbəb olurdu. Sentyabrın 1-dən etibarən şirkətin öz vergi sistemi işə düşəcək və bu problem həllini tapacaq.