Twitch yayımları AI təlimində istifadə olunacaq

Amazon, Twitch platformasındakı strimerlərin yayımlarından generativ süni intellekt modellərini öyrətmək üçün istifadə etməyə başlayır.

Əsas müzakirə mövzusu isə istifadəçilərin avtomatik olaraq bu sistemə daxil edilməsidir. Yəni strimerlər açıq şəkildə imtina etmədikcə, onların video və audio məzmunu AI təlimində istifadə oluna bilər.

Twitch-də hər gün minlərlə saat canlı yayım edilir və bu, Amazon üçün böyük verilənlər bazası deməkdir.

Strimerlər isə razılığın əvvəlcədən alınmasını, yəni "opt-in" sisteminin tətbiqini tələb edirlər. Twitch-in məhsullar üzrə direktoru Mayk Minton bu yanaşmanın səbəbini belə açıqlayıb: "Əgər sistem opt-in olsaydı, heç kim qoşulmazdı. Dürüst cavab budur".

Bu açıqlama strimerlərin narazılığına səbəb olub, çünki onlar öz məzmunlarının icazəsiz istifadə edilməsini istəmirlər.