Süni intellektin idarə etdiyi mağaza 5 ayda 39 min dollar itirdi

İsveçin "Andon Labs" startapı süni intellektin real biznesi idarə edib-edə bilməyəcəyini yoxlamaq üçün eksperiment keçirib.

"Anthropic" şirkətinin "Claude" modeli San-Fransiskodakı "Andon Market" mağazasını beş ay ərzində idarə edib. Bu müddətdə mağazanın bank hesabındakı vəsait 100 min dollardan 61 min dollara düşüb.

Eksperiment zamanı əməkdaşlardan biri 23 növbənin 17-sinə gecikib. "Claude" isə bunu yalnız xəbərdarlıq sistemindən sonra aşkar edib və ilk öncə işçiyə sadəcə xəbərdarlıq etməyi təklif edib.

Şirkət rəhbəri Lukas Petersson qeyd edir ki, insan menecer bu əməkdaşı daha tez işdən çıxarardı.

Mağaza işçilərindən biri isə süni intellektin rəhbərliyi altında işləməyi “dəhşətli” adlandırıb.

"Andon Labs" yaranmış zərəri "Claude" modelinin yumşaq idarəetmə qərarları və şübhəli biznes instinktləri ilə əlaqələndirir.