SİMA İmza AFB Bank xidmətlərinə inteqrasiya edildi

Rəqəmsal imza SİMA artıq AFB Bank-ın mobil tətbiqində tətbiq edilir.

Müştərilər filiala getmədən əmanət yerləşdirə, mikro kredit rəsmiləşdirə və nağd kredit götürə bilərlər.

Həmçinin yeni və mövcud müştərilərin qeydiyyatı, rəqəmsal kart sifarişi də bu imza ilə həyata keçirilir.

Nəticədə bank əməliyyatları daha rahat və çevik şəkildə, məsafədən icra oluna bilir.

SİMA İmza AZCON Holding-in şirkəti AzInTelecom tərəfindən yaradılıb və mobil tətbiq vasitəsilə ödənişsiz əldə olunur. Rəqəmsal xidmətlərin genişlənməsi kağız sənəd dövriyyəsini azaldır və müştəri təcrübəsini yaxşılaşdırır.