Qatlanan iPhone təqdimatı yaxınlaşır

Apple sentyabrın 9-da keçiriləcək "Surprise and Shine" tədbirində ilk qatlanan modelini təqdim edə bilər. Bu telefonun "iPhone Ultra" adlanması gözlənilir. O, bağlı vəziyyətdə 5,5 düymlük xarici ekrana, açıldıqda isə 7,8 düymlük böyük ekrana malik olacaq. İlkin qiymətin 1999 dollar olacağı təxmin edilsə də, RAM çatışmazlığı səbəbindən bu məbləğ 2400 dollara, yəni təxminən 4080 manata yüksələ bilər. Şirkət tədbirdə həmçinin iPhone 18 Pro, Apple Watch Series 12 və AirPods 5 modellərini də nümayiş etdirə bilər. Bu, yeni baş direktor Con Ternusun dövründəki ilk böyük məhsul yeniliyi olacaq. Tədbir texnologiya dünyasında böyük maraqla gözlənilir.