Parvaz startap studiyası fəaliyyətə başladı

Azərbaycanda yeni startap studiyası — "Parvaz" fəaliyyətə başlayıb.
Studiyanın modeli, ideyası olan lakin komanda qura bilməyən şəxslərlə hazır məhsulu idarə etmək istəyən təsisçiləri bir araya gətirməyə əsaslanır.

“Parvaz” seçilmiş ideya üzrə dizayn və kodlaşdırmanı daxildə hazırlayır, daha sonra təsisçi (founder) ilə pay bölgüsünü razılaşdıraraq məhsulu mərhələli şəkildə təhvil verir.
Zaman keçdikcə təsisçi şirkətdə daha böyük pay əldə edir, “Parvaz” isə müəyyən bir payı özündə saxlayır.
Studiya hazır vençuru (venture) idarə etmək, öz ideyasını təqdim etmək, ilkin istifadəçiləri olan startap proqramına qoşulmaq və həmtəsisçi (co-founder) tapmaq kimi imkanlar təklif edir.

Artıq studiyanın portfelində Komissio, Rawuser və PropCraft kimi layihələr mövcuddur.
“Parvaz” həmçinin komandaların Mərkəzi Asiya və Yaxın Şərq bazarlarına çıxışına dəstək göstərir.