OpenAI ChatGPT-yə universitet planlayıcısı əlavə edir

OpenAI ABŞ-da 10–12-ci siniflərdə oxuyan şagirdlər üçün ChatGPT-yə College Planner (Kollec/Universitet Planlayıcısı) alətini əlavə edəcəyini bildirib.
Bu alət universitet müraciətləri ilə bağlı tələbləri, son tarixləri və maliyyə yardımı üzrə işləri vahid bir planda toplayacaq.
Şagirdlər planla əlaqədar suallarını da birbaşa ChatGPT-yə verə biləcəklər.

OpenAI həmçinin, Boston Children’s Hospital-ın Digital Wellness Lab mərkəzini və müstəqil Student Advisory Council təşəbbüsünü üç il ərzində dəstəkləyəcək.

Şirkət iOS üçün qeydlərin fotolarını birləşdirib PDF-ə çevirən funksiyanı, eləcə də fləşkart və kviz alətlərindəki yenilikləri təqdim edib.
Beləliklə, ChatGPT təhsil planlaması və yeniyetmələrin rəqəmsal rifahı sahəsində də yeni imkanlar yaradır.