MPAY PalmPay pilot tətbiqi

MPAY, "PalmPay" adlı ovuc içi ödəniş sistemini pilot rejimində istifadəyə verib.

Bu sistem Səməd Vurğun küçəsindəki "Bolmart" mağazasında quraşdırılıb.

Sistem hər bir istifadəçinin ovucundakı damar quruluşunu unikal biometrik göstərici kimi tanıyır və şəxsiyyəti təsdiqlədikdən sonra ödənişi MPAY cüzdanı vasitəsilə həyata keçirir. Beləliklə, müştərilər kart, telefon və ya nağd pul olmadan rahatca alış-veriş edə bilirlər.

Şirkət bu texnologiyanı gələcəkdə digər satış və xidmət məntəqələrində də genişləndirməyi planlaşdırır.