Meta şəxsi AI agenti Muse-u təqdim etdi

Meta şirkəti "Muse" adlı fərdi süni intellekt agentini təqdim edib.

"Muse" sadəcə çatbot deyil — o, istifadəçinin adından internetdə real əməliyyatlar həyata keçirə bilir: bilet sifariş edir, müxtəlif xidmətlərə yazılır, formaları doldurur və dəstək xidməti ilə əlaqə saxlayır.

Agent təhlükəsiz virtual maşında işləyir və vacib addımlardan öncə istifadəçinin təsdiqini tələb edir.
Şəxsi məlumatlar yüksək səviyyədə qorunur, hətta alış-veriş zamanı birdəfəlik virtual kart nömrəsi yaradılır.

"Muse" e-poçt, təqvim, Instagram və digər tətbiqlərə qoşula bilir.
O, həmçinin çatışmayan alətləri özü yaradır və istifadəçinin məqsədlərini yadda saxlayaraq xüsusi plan tərtib edir.