MagicPort dənizçilik əməliyyatlarını rəqəmsallaşdırır

Dəniz ticarətinin böyük hissəsi gəmi ilə daşınsa da, liman səfərləri ilə bağlı əməliyyatlar hələ də elektron cədvəllər, e-poçt yazışmaları və əl ilə paylaşılan sənədlər üzərindən idarə olunur. Bu üsul məlumatın görünürlüğünü azaldır eyni işin təkrarən görülməsinə və bahalı səhvlərə şərait yaradır.

Dəniz ticarətinin böyük hissəsi gəmi ilə daşınsa da, liman səfərləri ilə bağlı əməliyyatlar hələ də elektron cədvəllər, e-poçt yazışmaları və əl ilə paylaşılan sənədlər üzərindən idarə olunur.
Bu üsul məlumatın şəffaflığını azaldır, eyni işin təkrarən görülməsinə və bahalı səhvlərə şərait yaradır.

Azərbaycanlı sahibkarlar Əli Qara və Tural Əliyevin 2021-ci ildə qurduğu Sinqapur mərkəzli MagicPort startapı məhz bu boşluğu doldurmağı hədəfləyir. Gəmilərin izlənməsi, tapşırıqların koordinasiyası, sənəd idarəçiliyi, xərc nəzarəti və əməliyyat məlumatlarının real vaxt rejimində paylaşılması vahid platformada birləşdirilir.

Şirkət həmçinin dənizçilik verilənlərinin təhlili üçün süni intellekt alətləri hazırlayır.
Şirkətin paylaşdığı məlumata görə, platforma bu gün 80-dən çox ölkədə 300-dən artıq şirkətə xidmət göstərir.

MagicPort 2026-cı ilin iyulunda liman əməliyyatlarına yönəlik məhsullarını və süni intellekt dəstəkli platformasını inkişaf etdirmək üçün 3 milyon dollarlıq pre-seed raundu elan edib. Raunda INMerge Ventures, Sturgeon Capital, Hustle Fund, Everywhere Ventures, Transport Capital, Caucasus Ventures və investor Skorpa Pranedya (Scorpa Pranedya ) qatılıb.
Caucasus Ventures həm də şirkətin erkən mərhələ investorlarındandır.