Intel CEO Nace.AI-ya investisiya yatırdı

Intel-in baş direktoru Lip-Bu Tan Qazaxıstanın süni intellekt startapı Nace.AI-ya investisiya yatırıb

Bu barədə şirkətin təsisçisi və baş direktoru Dos Bakıtjan bildirib. Onun sözlərinə görə, investisiya qərarı cəmi bir görüşdən sonra verilib. Lip-Bu Tan həm də Walden International vençur fondunun qurucusu və sədridir. O dünyanın yüzlərlə texnologiya şirkətinə sərmayə qoyub və hazırda Intel-ə rəhbərlik edir. Nace.AI şirkətin daxili proseslərini analiz edərək rəhbərliyə qərarlar qəbul etməyə kömək edən süni intellekt hazırlayır. Şirkət əvvəllər 21,5 milyon dollar investisiya cəlb edib və bu məbləğ 36 saat ərzində toplanıb. Nace.AI indi korporativ süni intellekt sahəsində genişlənməyə davam edir.