İnnMedia ByteDance ilə müqavilə imzaladı

Azərbaycanın süni intellekt startapı "İnnMedia" Çinin texnologiya nəhəngi "ByteDance" ilə müqavilə imzalayıb.
Razılaşma "İnnMedia"ya "ByteDance"ın video yaratma texnologiyası olan "Seedance"dan istifadə etmək hüququ verir.
"Seedance" şəkil, video və audio istinadlar əsasında videoların yaradılmasına, həmçinin kamera hərəkəti, vizual üslub, personajlar və səhnə ardıcıllığının idarə olunmasına imkan tanıyır.

"İnnMedia" bu texnologiyanı öz kontent istehsalı platformasına inteqrasiya edəcək ki, materialdan məqalə, şəkil, səsləndirmə və video kimi müxtəlif formatlı məzmunlar yaradılsın.

"İnnMedia" "Seedance"dan media, korporativ məzmun, marketinq və sosial platformalar üçün video materialların hazırlanmasında istifadə etməyi planlaşdırır.