Clopos: Bakıda Ar-Ge, Nyu-Yorkda mərkəz — 13 ölkədə 4500 müştəri

Restoran və kafelərin gündəlik işini vahid sistemdə birləşdirən Clopos 2018-ci ildən fəaliyyət göstərir. Şirkət iaşə müəssisələri üçün bulud əsaslı POS və idarəetmə həlləri hazırlayır.

Platforma satışdan tutmuş ödənişlərə anbar uçotundan maliyyəyə qədər bir çox prosesi tək mərkəzdən idarə etməyə şərait yaradır.
Beləliklə, biznes sahibi ayrı-ayrı proqramlar arasında keçid etmədən əməliyyatlara nəzarət edə bilir.

Hazırda şirkətin xidmətindən 13-dən çox ölkədə 4 500-dən artıq aktiv müştəri istifadə edir.

Clopos-un baş ofisi Nyu-Yorkda yerləşir, tədqiqat və inkişaf mərkəzi isə Bakıdadır.
Bu struktur həm qlobal satış şəbəkəsini həm də Azərbaycanda məhsulun texniki inkişafını eyni vaxtda idarə etməyə imkan verir.

İaşə sektoru üçün rəqəmsal həllər getdikcə daha çox tələb olunur çünki vahid sistem operativ qərarların verilməsini asanlaşdırır.

Bakıda formalaşan inkişaf komandası isə bu sahədə yerli mütəxəssis potensialının göstəricisidir.