Britaniyada güclü AI üçün kill switch təklifi

Britaniya qanunvericiləri süni intellekt sistemlərinin fövqəladə hallarda təcili dayandırılması ("kill switch") üçün qanun düzəlişi təqdim ediblər.

Lord Tim Klement-Cons bu istiqamətdə Kibertəhlükəsizlik və Dayanıqlılıq Qanun Layihəsinə əlavə edilməsi üçün təklif irəli sürüb. Məqsəd nəzarətdən çıxan sistemlərin kritik infrastruktura zərər vurmasının qarşısını almaqdır.

Dayandırma mexanizminin yalnız ən son çarə kimi nəzərdə tutulması və bu barədə qərarın demokratik çərçivədə verilməsi planlaşdırılır.

Paralel olaraq, Leyboristlər Partiyasının deputatı Aleks Sobel sentyabrın sonunda Süni İntellekt Təhlükəsizliyi Qanun Layihəsini təqdim etməyi nəzərdə tutur.

Bu layihə insan imkanlarını aşan süni intellekt sistemlərinin hazırlanmasını dayandıra bilər.

Sözügedən təklifi "ControlAI" qeyri-kommersiya təşkilatı dəstəkləyir. ABŞ-da da analoji təşəbbüslər müzakirə olunmaqdadır.