Avtonom nəqliyyat vasitələri Azərbaycanda qanuniləşir

Artıq Azərbaycanda sürücüsüz nəqliyyat vasitələri üçün hüquqi əsas yaradıldı

Prezident İlham Əliyev bu sahədə qanun dəyişikliklərini təsdiqləyib. Yeni qaydalar avtomobil, dəmir yolu, metro, tramvay, dəniz və hava nəqliyyatını əhatə edir. Qanunvericiliyə 'avtonom nəqliyyat vasitəsi', 'operator' və 'məsafədən idarəetmə mərkəzi' kimi anlayışlar daxil edilib. Avtonom vasitələr yalnız dövlət qeydiyyatından keçdikdən sonra və səlahiyyətli qurumların müəyyən etdiyi ərazilərdə istifadə oluna biləcək. Operatorlara xüsusi şəhadətnamə veriləcək onlar real vaxtda məlumat ötürəcək və təhlükə yaranarsa uzaqdan müdaxilə edəcəklər. Qəza zamanı məsuliyyət, sığorta tələbləri və xüsusi tanınma nişanı da qanunda öz əksini tapıb. Bu dəyişikliklər ölkədə nəqliyyatın gələcəyinə istiqamətlənib.