Apple ağıllı eynəkləri məxfilik prinsipi ilə gəlir

Apple gələn il iyun ayında keçiriləcək WWDC konfransında ilk ağıllı eynəklərini təqdim etməyi planlaşdırır. Şirkət bu məhsulun satışına 2027-ci ilin sonunadək başlamağı hədəfləyir. Təqdimatın gecikməsinin səbəbi isə Apple-ın məxfilik xüsusiyyətlərini tam formalaşdırmaq istəyidir. Ağıllı eynəklər, xüsusilə Meta modelləri, istifadəçilərin xəbəri olmadan çəkiliş aparması ilə tənqid olunur. Apple isə bu riskdən qaçmaq üçün məlumatları birbaşa cihaz üzərində emal edəcək. Şirkətin daim aktiv çəkiliş funksiyasından uzaq duracağı həmçinin istifadəçi görüntülərindən süni intellekt təlimi üçün yararlanmayacağı gözlənilir. Bundan əlavə, Apple gələcəkdə kamerasız ağıllı eynək versiyası da çıxara bilər. Bu yanaşma istifadəçi məxfiliyini ön plana çıxaran AirPods süni intellekt funksiyalarına bənzəyir.